愛美仕名牌購物中心,[www.aaashops.com],Lv,Gucci,包包,皮夾

首先我唔知你英文程度去到邊, 好難講自修幫唔幫到你, 因為自修得都要自己有d底子先得, 奴果英文底子都唔多好, 自修只會愈來愈睇唔到自己盲點係邊。

至於學校方面, 我覺得只係果個老師/學校既教學方針唔適合你, 有可能真係你既程度已經超出學校一般既LV, 又可能係佢果種方式你記唔到入腦, 但係你無必要完全放棄佢, 畢竟你有問題/要練習都仲要搵老師/同學, 尤其你話oral方面, 一定要搵人同你對答你先會練習到。

比起自己我覺得你應該要既係"外援", 既係補習, 又或者好似你而家咁po d文章上網比人改, 但係一般補習社我認為程度較低, 遷就一點英文真係唔多好既學生, 所以我覺得你應該針對老師黎搵, 又或者睇下有冇d大學哥哥姐幫你補習。

一般黎講學校應該唔會比同學自修, 因為英文係主修學科, 學校一定要有保証, 而且佢請得呢個老師, 就係信呢個老師比到保証佢, 冇左老師跟, 就好似冇左個保証, 佢唔知點樣測試你英文去到邊, 進步定係退步。

我當年都覺得自己英文好過班上d人XD, 可能我算係個壞學生= =唔多聽老師上堂, 但係我會自己睇書, 自發性作文比老師睇, 當然佢比我既功課, 上堂既練習我都會做好同配合, 我老師都好好, 比呢個自由我(前提我冇事先話比老師聽我有咁既做法, 係自然習慣, 到最後我考試都考得唔錯)。

到左呢個時候你可以同你老師傾下, 當然唔好話佢上堂太低B所以你要自己做自己野XD, 你就話你想自己搵D EXTRA既, 做左之後要佢幫手改, 另一方面你都可以交比其他人睇, 雙得益章。